Casa da Mámoa

Conxunto de vivenda e edificacións auxiliares con finca, situado entre os dous centros tradicionais do lugar, nun cruce de camiños presidido polo Cruceiro da Mámoa. Acceso á finca desde o cruce, mediante un volume cuberto con porta alintelada cunha inscrición co ano de construción da vivenda (1920) e as iniciais da familia. Edificación principal de planta rectangular e dous andares, resolta con muros de cachotaría de pedra e cuberta a dúas augas de tella. Fachada principal de composición sinxela, con ocos rectangulares e acceso na planta baixa. As edificacións auxiliares e o hórreo, están dispostas en torno á vivenda configurando un patio interior de acceso.